Vai a sottomenu e altri contenuti

Ofìssiu Limba Sarda

Beni benius!
Domu bècia in Barigau Domu bècia in Barigau Custu est su logu chi eus allichidiu po ndi ogai a campu totu su chi capitat in s'Ofìssiu Limba Sarda de su Cumunu de Jersu. Mancai calencunu imoi puru no dhu scidi ca est apertu su servìssiu linguisticu: innoi podeis agatai totu su chi si fait candu si manìgiat su Sardu, eus a nai cun s'allega jersesa. Sa presentada e totu est fata in dialetu po abituai sa genti fincias a dha biri scrita sa limba chi manìgiat dogna dì, po dogna cosa.
Eus pensau tandu - bitu ca po calisisiat cosa oi cun su computer e cun Internet podeus arribai a totus e in dogna logu - prim'e totu de fai custu portali a uba eus a iscriri is novas, is trabàlgius, sa lei, is comunicassionis de su Cumunu po su chi interessat sa limba sarda, ca s'intensioni est cussa de dha valorizai, de dha fai lìgiri fìncias a is giòvunus e a is piciochedhus e prus che totu de dha manigiai po no dha fai mòrriri.

....arcendu a Cucuredhu ....arcendu a Cucuredhu Po mori de custu, eus a pònniri in custas paginas totu su chi eus a fai oc annu; podeis agatai cosas interessantis meda in pissu de su dialetu cosa nosta: fuedhus, dìcius, modus de nai, is nòminis de is biginaus antigus o de is trabàlgius de una bia, mancai cun is fotografias de su tempus passau. Po bos fai un'idea prus generali, podeis lìgiri su progetu ''Sa limba de s'ànima'', chi eus aprontau cun totu sa bona voluntadi e chi spereus de arrenesciri a sighiri.
Su Porci e su mangasinu Su Porci e su mangasinu Bonu viàgiu e a si biri sèmpiri sanus e sardus!

Documenti allegati

Documenti allegati
Titolo  Formato Peso
Avisu po sa premiassioni de su Cuncursu Literàriu 'Ti contu un'istòria' Formato pdf 1147 kb
Cuncursu literàriu 'Ti contu un'Istòria' Formato pdf 304 kb
Decrarada de presentai in busta serrada po partecipai a su cuncursu literàriu Formato pdf 276 kb
torna all'inizio del contenuto
torna all'inizio del contenuto